كالتلي تحبني اشكد

كالتلي تحبني اشكد
كتلها فلا ينعد
احبج حب يغطي الافق من يمتد
مثل البلبل الملهوف
وبجية الصبح غرد
مثل الشاطي المدلل
وبحضن البحر يمتد
كالت جا تحبني اشلون
وصفلي الشكل واللون
كتلها وانا الممنون
مثل البلبل الفرحان
وبجية الصبح مفتون
مثل الغبشه من تكعد
وتفتح علنهار عيون
كالت كافي لاتوصف
وبحبي ولك مجنون
كتلها جنون الشوك
هي بالعشك شمعه
ولوما الحزن صدكيني
ماخضر فرح بينه ولابرواحنه انزرعه
ولج وحشه البسمه علشفه
لون ظم الجفن دمعه
وحب الشوك المسودن
طبعي وكلمن وطبعه