هديه الى جميع المشاركين بالمنتدى كوثر الجبوري

طالب وعايف دروسي واقرا اشعار وجرايد
وعاشگ بنيه بقسمنه والگلب بس الها رايد
هي حلوة .. هواية حلوة واني عمي شلون واحد
بالفرن ناسيني اهلي وحتى لون عيوني جارد
حاولت الفت نظرها بكل وسيلة وماكو فايد
غيرت لبسي ومشيتي وفكري بالمودات شارد
وجللت شعري وصبغته ولبست حتى گلايد
گعدتني ع الحديدة لا بعت حتى الحدايد
لا تگلي ولا اگلك بهذلتني الله شاهد
وهي تدري بس خبيثة مثولة والدلال بارد
وانه نار بنص دليلي خاف اصارحها وتعاند
مرة اگول احجي معاها ومرة اگولن خلني راچد
وين چانتلي يربي چنت متونس وگاعد
وقررت لازم ابوح بحبي الها وما احايد
بوري ما بوري اسولف قابل مصارح مجاهد
جيت وتقربت يمها جسمي يرجف حيلي بايد
والضغط يمي تخربط مرة نازل مرة صاعد
گمت اتمتم گمت اعتعت گمت احس بلساني جامد
چني سيارة عتيگه وانكسر من عدها گايد
ردت افلت ما عاد ينفع گالت اتفضل شرايد
گلت عفواً من رخصتچ بلكي عندچ قلم زايد

عاء عبد الله المؤمن إياد علاوي




دعاء إياد علاوي في حضرة الامام علي علية السلام



اللهم احفظ حركة الوفاق, وأرفع راية الرفاق, وأبعد عنا شر أهل الشقاق والنفاق, وفوزنا بالانتخابات, وأرزقنا أحدى الرئاسات, وأحشرنا مع الجالسين الاولين في البرلمان القادم, وهب لنا مقعداً دائم بحق ابو الحسن علي بن ابي طالب, اسد الله الغالب.

اللهم خلصني من احمد الجلبي والمؤتمر الوطني وهيئة إجتثاث البعث, اللهم لا تجعل لهم علينا سلطانا ,ولا تمنحهم مقعدا في البرلمانا, واجعلهم طرائق قددا, ولا ترضي أمريكا عنهم
أبدا, اللهم فرقهم تفريقا, ودمرهم تدميرا, وأجعل حملتهم الانتخاببية هباءا منثورا (ذكرها ثلاث مرات وبكي وابكى الحاضرين معه ولم يسكت حتى أغميّ عليه ولم يستيقظ حتى سمع صوتا يقول له) :

(يا عبد الله اياد بن هاشم لقد أستجاب لك الله دعوتك وحقق لك أمنيتك فألغيت هيئه اجتثاث البعث التي أهلكت نسل البعثيين والحرث),ففرح العبد الفقير اياد وتنفس الصعداء ثم ألتفت الى مساعده الوفي راسم العوادي الذي أغرورقت عيناه بالدموع من فرط الجوع وقال له بالحرف الواحد, والصوت الراعد:

( ياراسم ما صدقت ولا صُدقت, ياراسم لا تحزن ان الله معنا, والمستقبل لنا, والقيادتين القطرية والقومية خلفنا, ولن يستطيعوا أجتثاثك هذه المرة, وسنقلب الكتبة عليهم طُرة, اوصيك بالانتظام والالتزام بسيرة من سبقك من الرفاق العظام, والتمسك باخلاق المناضلين الاولين من أمثال عبد الخالق السامرائي,وعدنان الحمداني, البعث مولانا, ولا مولى للجلبي ومؤتمره, أعضائنا في جنة البرلمان, وأعضائهم في النيران) .

روته الرفيقة ميسون الدملوجي عن أم المناضلين عالية نصيف جاسم عن وحيد دهره وفريد عصره عدنان الجنابي بسند الشيخ الجليل جمال البطيخ عن العلامة كاظم تركي عن رواية الفطحل راسم العوادي والعهدة على الراوي.


دعاء عبد الله المؤمن إياد علاوي

هذي الادعية والا فلا
شنو هالروح الفكاهية الطريفة وخفة الدم اللي عندج يا ست كوثر
يارب دوم بصحة وسلامة

تحياتي واطيب امنياتي

هذا صاحبنا ينرادله جهاز قياس الضغط.......حتى كل شوية يجيك ضغطه هالمسكين

[/center][/b]اول شي ست كوثر احب احييج على هل الروح الفكاهية و اكول الحمد لله صارت عدنا ديمقراطية و الناس تكدر تحجي براحتهة بس احب اصحح الج ان الدكتور علاوي مو بحال منصب او فلوس لان هوة من يذكر اسمة يكولون رئيس الوزراء الاسبق و هوة عندة خمسة مستشفيات بلندن و ممحتاج هذا الشي .
و احب ان اوضح شي انه لو تشوفين الوضع قبل جان هواي احسن من الوقت الحالي و البعث مع مساوئة احسن من الاسلاميين الي ديحكمونا هسة .
و تقبلي مروري

هاي كوثر

مشكورة كوثر محمد المصرى

شكرا يا انسه كوثر على هذا الدعاء وبصراحه صرنه نكدر نحجي ونضحك على الحكومه وننتقد بعد ما جنه مككمين الافواه

خلها تتكبر عليه .
وخلها تتعالى ابغرور
اني من طينات بيتي
وهي متربيه ابقصور
واني اشتم ريحة امي
وهي تشتم بالزهور
اشما علت مني قريبه
وتبقه . بفلاكي تدور
وهي ضفه واني شاطي
والغزل وكت السحور
وهي نسمه واني غبشه
وتشهد اعلينه الطيور
ودري اني بيها حلوه
وبالحجي تنثر عطور
ودري بيه .اسمر . امجعمر . ضعيف
ولفتي مو كنتاكي اني ولفتي من خبز وتمور
وعطري مو هافوك اصلي
اشويه من امي بخور
بس . فرات اني والله
وجرفي احساس وشعور
وموجي عاشك مايخاف
وعمقي بس در مو صخور
وهي دجله اشما تصير
وحبنه ممتد بالدهور

إشجابج على السياسة جبتينة الحجي
خليج بالطلبة والحب احسن
مع انه الديمقراطية حلوة بس منريد احد يزعل من عدنة.